29 снежня выступіў з канцэртам камерны хор "Salutaris", які быў створаны ў 2007 годзе. У 2008 годзе калектыў стаў асноўным удзельнікам Маладзёжнага міжнароднага фестывалю да 330-годдзя А. Вівальдзі ў Мінскім касцёле Найсв. Тройцы (св. Роха).

У маі 2009 года хор стаў лаўрэатам І ступені Х Міжнароднага фестывалю праваслаўных песнапенняў у Мінску. Летам таго ж года калектыў даў серыю сольных канцэртаў на XVIII Міжнародным харавым фестывалі "La Fabbrica del Canto" (Італія), удзельнічаў у пастаноўцы оперы Генры Пёрсела "Дыдона і Эней".

Хор "Salutaris" – пераможца Міжнароднага фестывалю духоўнай музыкі "Hajnówka-2010" (Польшча), Міжнароднага харавога конкурсу ў межах фестывалю "Mokranjčevi dani" (Сербія).

У 2016 выступіў з сольным канцэртам у Марыінскім тэатры ў Санкт-Пецярбургу (Расія), стаў параможцам у конкурсе сацыяльных і культурных праектаў "SocialWeekend Belarus 2016", у лістападзе заваяваў Гран-пры конкурсу "Rybnicka Jesień Chóralna" ў Польшчы.

Падчас канцэрта хор збіраў ахвяраванні каб дапамагчы Сямёнавай Таццяне Валер'еўне, 45 гадоў, інвалід 1 групы. У 2015 годзе ў яе ўстаноўлены дыягназ - рак касцявога мозгу. Перанесла трансплантацыю. Адна выхоўвае пяцігадовую дачку Лізу. Працавала выкладчыкам музыкі ў дзіцячай музычнай школе мастацтваў №1 г. Гомеля ім. П. І. Чайкоўскага. Надзвычай творчы чалавек. Піша вершы і музыку. Патрэбныя грошы на дарагое і доўгі лячэнне. 

 Паслухаць запіс канцэрту можна тут